Повеќе од 30 години градиме домови по врвни стандарди
Бортас е градежна компанија специјализирана за изведба на градежни објекти од високоградба, нискоградба, градежни и градежно – занатски работи и проектирање. Со континуирано следење на современите технологии и инвестиција во најквалитетни градежни материјали со одлични термички, акуситични и хидроизолациски својства, повеќе од 30 години градиме домови по врвни стандарди. Тоа го правиме преку експертиза, креативност и внимание на секој детал – нашите состојки за успех од самите почетоци па се до ден денес.
Докажани професионалци со традиција од неколку генерации
Историјата на Бортас започнува од една семејна приказна и има традиција од неколку генерации наназад. Бортас е меѓу првите приватни фирми за градежништво во Македонија, основана во 1990 од Љупчо Бораниев дипломиран инженер архтект. Вложениот труд на Љупчо, а потоа и од Митре Илиевски, се темел на успехот кој Бортас го ужива денес. Раководството на фирмата, од самото основање, е составено од архитекти и градежни инженери – ова е од особена важност, бидејќи секогаш нашиот пристап е првично како архитекти, а потоа како дел од бизнис заедницата.
Водени од сензибилитетот на тим од успешни жени
Тоа што е интересно за Бортас и на кое сме особено горди е што денес раководните функции на фирмата се во рацете на тим од успешни и силни жени, една уникатна и несекојдневна карактеристика за нашата индустрија. Овие врвни професионалци дополнително ги подобруваат исклучителниот сензибилитет во нашиот однос со клиентите и нашето изострено ‘око за детали’.
Страст и целосна посветеност во секој проект
Бортас има фокусиран настап на пазарот и внимателно ги избира проектите во кои инвестира, се со цел на своите клиенти да им понуди личен пристап и изведба по мерка. Тоа што не истакнува пред другите компании е страста кон тоа што го работиме, што е моќна алатка во реализацијата на нашите цели. Секој проект за нас е личен предизвик и пред сè веруваме во задоволни купувачи. Затоа, инсистираме на професионално, одговорно и навремено извршување на обврските кон нашите клиенти и соработници, истовремено максимално посветувајќи се на желбите и потребите на секој клиент подеднакво. Од најмалите детали до ‘големата слика’, целосно сме посветени на секоја задача.
Поставуваме нови стандарди во живеењето
Долгогодишното искуство, принципите на работа како и вредностите кои се вкоренети во работењето, Бортас ја прават фирма која поставува нови стандарди во живеењето. Па така, потврда за квалитетот се преку 500те задоволни клиенти кои ги најдоа своите домови и ја започнаа својата семејна приказна во објектите на Бортас. Низ годините, успехот во работењето е препознаен и од Стопанската Комора на Република Македонија, која во неколку наврати ја рангира фирмата мегу најдобрите фирми од областа на градежништвото, високограбата, нискоградбата и хидроинженерингот. Овие признанија за нашата вредна и квалитетна работа ни дадоа дополнителен мотив да бидеме подобри и да поставуваме нови стандарди во индустријата.
Ваш сигурен партнер во домувањето
Низ годините, иако пораснавме, сепак нашите основи останаа непроменети – сè уште сме семеен бизнис со исклучителна посветеност на клиентите и градење партнерски односи. Со секој проект, ние се стремиме да ги исполниме потребите на клиентот и да придонесеме кон креирање на поубава средина за живеење. Денес, зад нас имаме оставено над 10 станбено деловни објекти, целосна изградба и реновирања на над 100 деловни објекти, бројни реконструкции и изведби за амбасади, деловно-административни објекти и други институции. Горди сме на нашиот бренд, на нашите проекти и на нашите луѓе. Нашиот професионален и искусен тим е посветен заедно со вас да го конципира, планира и изгради домот што ви е потребен, секогаш исполнувајќи ги највисоките стандарди: вашите и нашите. Нашите вработени се најважниот ресурс кој ја дава дополнителната вредност на секој наш објект. Од концепт до реализација, ние сме горди на секој досега сработен проект и сме вашиот сигурен партнер во домувањето.
